مجاراتي لــ حتى اكون لك عارية

نصوص تمر علينا مرور الكرام

لا نلقى لها بالاً..

ونصوص تستوقفنا وتستعير اهتمامنا

كهذا النص

استوقفني ...وحركني

غصت معه...وغاص فيني

فأحببت نقله..

ومجاراته ..بما يخدش كماله

فإني اعتذر لخدشي لمثل هذه الرائعة

وتمنيت اني اعرف كاتبه لأسوق نفسي

ليقتص مني..

ادعكم مع الرائعة..حتى أكون لك عارية

وفي الاخير مجاراتي ..

نعم !!
لم يكن أبي امْرَأَ سَوْءٍ

وما كانت أمي بغيا

لكني لست بطهر مريم العذراء

كي أقاوم شوق أنوثتي إلى أحضانك

ولا أنا بتقوى يوسف الصديق وورعه

كي لا أهم بك وأنت تُغلق أبوابك دوني!

وأخشى أن لا أثبت أمامك طويلا !

أخشى أن لا أثبت أمامك طويلا !

فجنبني الحرام …و ارحل !!

وأنت تهاتفني في الليلة الأخيرة

وتحدثني بهمس عن وعن وعن

كنت تغمض عينيك بنشوة

وتتخيلني معك على بقعة أرض محرمة

وكنت أغمض عيني بصمت !!

وأتخيلك معي على الأرائك في جنة الخلد !

وأعلم أن ألمي العظيم في الفقرة السابقة لن يشعر به

إلا عاشقة تقيم الليل على سجادة صلاتها

ورجل …مازال يبكيه قول الله تعالى

والسابقون السابقون أولئك المقربون

شربت من حكايتك البحر كله !!

حتى شرقت بملح أمواجه !

ضربت رأسي بجدار ظروفك حتى أفقدته ذاكرته!

مددت لك يدي كأنك أخر أطواق النجاة لي !!

جاهدت في الوصول إليك كأنك قشة الغريق الوحيدة!

ركضت خلفك بقلب لاهث وكأنك سفينة نوح التي خلفتني !

حتى انقطعت أنفاسي

وتعبت !!

تعبت منك….تعبت مني !

تعبت من صمت التمثال بك !

تعبت من بكاء الأنثى بي !

فمنذ أن أحببتك!!

وأنا أغرق في بحر فراقك وأنتظر منك طوق النجاة

ومنذ أن عرفتني وأنت تنتشي بغرقي

وتُلقي لي بطوق خذلانك!!

منذ أن أحببتك !!

وأنا أعاملك كأميرات الحكايا وفرسان الخيال

ومنذ أن عرفتني !

وأنت تعاملني كفريسة الطريق وذئاب الغابة

كلما اقتربت بجوع الحب منك !

اقتربت بجوع الرغبة مني!

فضع عينيك بعين الله إن استطعت وأخبره !

كم مرة دعوتني بها إلى الحرام وكم مرة صرخت بك :

أخاف الله رب العالمين

وكم من ليلة خلتها ليلة زفافي إليك !

وكم من ليلة ارتديت بها فستاني المطرز بالشوق!

وكم من ليلة خضبت يداي بنقوش الحناء !

وكم من ليلة أغرقت ضفائري بالمسك والدفء والعود !

وكم ليلة زينت بها كفي بالأساور و قدمي بالخلخال!

وكم ليلة رددت بها أني زوجتك نفسي لـ نفسي !!

وخفضت رأسي خجلا منك ووهما بك !

وكم ليلة أشرقت بها الشمس علي..وأنا وحدي!

يغفو على وسادتي الأخرى وهمي .. وهمّي !

ولم … أزف بها إليك !!

فـ كالأرجوحة كانت حكايتي معك

مرجحتني على خيوط الوهم تارة ..

وعلى خيوط الحنين تارة أخرى !!

فكنت كالمعلقة بخيوط الهواء مابين السماء والأرض

أنتظر سقوطي مع كل ارتفاع إلى السماء

وأترقب موتي مع كل نزول إلى الأرضِ !!

فلا أنا لامست السماء بها معك!

ولا أنا استقريت فوق الأرض !!

والله إني أشتاقك وأحتاجك !!

حد رؤية ملك الموت يحوم في ليالي فراقك حولي!

فلست دمية ثلجية.. ولا لُعبة خشبية !

ولا جدار منزل قديم متهاوي. لا يشعر بالمارين به شوقا !

ولكن … كيف الوصول إليك ؟

والله يحاصرني من كل الجهات ِ !!

فإشتر لي قطعة أرض لا تدخل في ملك الله

وأنا أعدك أن أمارس معك عليها

كل آثام البشر وكل خطايا أهل الأرض منذ أن خلق الله الأرض!

أعدك أن أصافحك عليها بشوق..!

دون أن أتذكر حديث أمي عن( جمرة ) مصافحة الغرباء!!

أعدك أن أمزق غطاء رأسي أمامك…

وأسدل على صدرك أرجوحة ضفائري. !!

دون أن أنتفض رعبا..حين تصرخ بي نفسي اللوامة باكية

أن كل شعرة من رأسي.. بجمرة من النار !!

اشتر لي قطعة أرض لا تدخل في ملك الله !

وأنا أعدك أن أكون عليها معك بكامل أنوثتي وجنوني وخطيئتي!

وان أحكم غلق الأقفال بقوة كي لا يراني معك أحد.. !

وأكتم صوت ضميري وهو يردد لي مذكرا !!

( إن لم تكن تراه فانه يراك …إن لم تكن تراه فانه يراك)

اشتر لي قطعة أرض لا تدخل في ملك الله !

وأنا أعدك أن أغافل ثقتهم الآمنة بي

وأتحايل على حسن ظنهم بتربيتي..

وأغدو إلى موعدك الآثم بفرح دون أن يعرقل سيري إليك !!

منظر سيري على الصراط والنار تحتي

وألسنة اللُهب تتخطفني من كل صوب..وإتجاه!!

اشتر لي قطعة أرض لا تدخل في ملك الله

وأنا أعدك أن أمارس عليها معك الحب والغرام

بأرقى الطرق وأرخص الطرق … !!

دون أن يُعكر صفو شوقي إليك إنشغال تفكيري !!

بالكبيرة التي ساءت سبيلا !!

اشتر لي قطعة أرض لا تدخل في ملك الله

وأنا أعدك أن أتجرد أمامك عليها من كل شي

وان أراقصك عليها عارية إلا من ذنبي !

دون أن تعترض خيالي صورتي وأنا ممدة على مغسلة الموت

عارية من كل شيء إلا خطاياي وأعمالي!

أعدك أن أملا بياض ثوبك بأحمر شفاهي..

وأبعثر بوحشية أنثى لهفى غطاء سريرك الأبيض

دون أن يذكرني غطاء سريرك ببياض كفني

وأنا أزف إلى القبر ووحشة القبر وضمة القبر وحدي!!

اشتر لي قطعة ارض لا تدخل في ملك الله !!

فلن أخون الله أمام عينيه وفي ملكه

لن أخون الله أمام عينيه وفي ملكه

لن أخون الله أمام عينيه وفي ملكه

في كل مرة أعدك بها أن لا أعود

كنت باسم الحنين أعود !!

ومع كل عودة كان يمزقني إنتحاب الكبرياء بي !

لهذا وعدت الله أمامك في المرة الأخيرة

أن لا أعودولن أعود !!!

حنيني وأعرفه

يخجل أن يُخلف مع الله وعده !!
ثــــق !!

لم يكن فشلي في حكايتك

سوى طعنة نصيب

لا أكثر … ولا أقل !!

لا أكثر … ولا أقل !!

فقط
الغايه المراد الوصول لها ساميه “


*********

مجاراتي المتواضعه



سآخذ طلبك وابحث عنه ...
فلعلي اجد سمساراً نشيطاً
يبيع لي ما لا يملك الله..
يبيع لي ارضاً لا تقع عين الله عليها
يبيع لي ارضاً لم يبسط يده عليها
يبيع لي ارضاً نرتكب عليها كل الخطايا!!
فخطايايا على ارضه صاحت كفى
والموبقات بجوانحي نثرت هنا..

هل السماء تناسبك يا سيدي؟
والارض يا هذا !!
اين البحور المالحة اين التلال
اين المدن اين القرى !!!
اين صحاريها والجبال
اولم تجد فيها ما يناسب مطلبي!!!
خلتك في السمسرة شخص محترف
لكن للأسف
خابت ظنوني والرجى
يا سيدي يا سيدي ...
قف واستمع..
اتريد من سمسارٍ نصيحة ؟
اوتنصح وانت لطائفة السماسرة عيره!!
يا للعجب ..لكن هات ما عندك
يا سيدي..انا لست بمسلم
ولكني لعقلي دوماً احكم
ما تبتغيه بعقلي استحالة !!
حتى السماء ..وان ابتغيت
حتى وإن بمال هامان اشتريت

فلن تجد بقعة

إلاّ..
الا بملكوت الالهه محوطة...

على الهامش

سأغمض عيّنيّا برهةً
واطلق لأفكاري العنان....
فلربما عادت وحينها
افتح عيّنيّا وأجد الامان....

علمهـ فيديو

مقطع صغير لقصيدتي علمهــ اتمنى ان ينال استحسانكم

واهديه لمن كتب النص لأجله ولكم ايضاً

واشكر من تعاون معي لاخرج الفيديو بهذه الصورة الجميلة

اسود بالخط العريض

«إنَّ دعم لبنان واجب علينا جميعاً، ومن يقصِّر في دعم لبنان فهو مقصِّر في حقّ نفسه وعروبته وإنسانيته». (جريدة «الشرق الأوسط»، 26/8/2006).
الكلمات لخادم الحرمين الشريفين عبد الله بن عبد العزيز آل سعود (فديت خشمه )، إثر العدوان الإسرائيلي على لبنان في صيف 2006، وصمود الشعب اللبناني أمام أعتى آلة حربية في الشرق الأوسط.

ولكن الصواريخ والقذائف الموجهة علينا تقلص الخيارات في التعامل معها فلا يجدي معها فعلا إلاّ الرد بحزم وبيد من حديد .
ومحاكمة ابو قميص برتقالي كنّه من معتقلي جوانتناموا ما هو الا اول ضربة من المطرقة الحديدية ، والضربة الثانية اغلاق مكتب القناة في جدة ، والثالثة اغلاق مكتب الرياض ،وكل ما سيأتي تباعاّ سيشفى غليلنا ويخمد نيران صدورنا ..
لن اقول كلب وعضّ يدي... بلا سأقول اصابعك مو سوا .
لن اقول :
ومن يـفعـل المعروف في غـير أهله... يلقى كما لاقـى مجـيـر أم عامر
بل سأقول :
ومن يفعل المعروف لا يعدم جوازيه ... لا يذهب العرف بين الله والناس

شعب نحبه وسنضل مهما حصل...
اتمنى من رئيس الحكومة اللبنانية ان يستعير نفس المطرقة من وزير الداخلية السعودي ليبدأ الطرق ...فقد حان دوره .

خربشة على الهامش :
الحين الرجال (مع تحفظي) ما ستر نفسه يوم ربي ستره، قال ما اقدر اعيش حتى انقل تجربتي العصماء للناس عشان يستفيدوا منها ولقى من يساعده على نقل تجربته الفذة ، قناة تحتل الزعامة في قبيلة هااابط ، تروح تلف وتدور لين ما تحصل مواضيع هابطة مقززة فيها إثارة بأنواعها وتدق صدرها وتقول أنا لها !!!
اللي قاهرني في القصة كلها و باط كبدي وفاقع مرارتي لا الهابط (مازن )ولا الهابطة (LBC) !!!!
الحين ما دام انه شين وقوي عين وطالع صوت وصورة ليش تجون وتحطون شريط اسود على عيووونه ليه ؟؟!! يقال تسترون عليه !!! ...ما خشت مزاجي ابدن ابدن !!!!

علّمــهـــ ....

يا حضوره قم علّم القلب و شلون الغياب
وعلّمهــ كيف يصبر و كيف يتعوّد علّمه
وعلّمهــ قربه غدا ابعد من طوال السحاب
فلا يحاول يطلع ترى... ما بيوصله سلّمه
علّمـــهـــ...
وعلّمـهـ وش صار بعد ما جيوشه قررت الانسحاب
خيمة حزن نصبت و الجيوب تشققت والوجيه ملطّمه
وغمامة أنشت فوق الرموش منها احمر الدمع ذاب
تسقي المحاجر وليّا نضبت عاود الحزن للسحاب وحمّله
علّمـهـ ....
علّمـهـ كيف العزوم اللي من اول ما تخور ولا تهاب
صار يفوقها عزم الرضيع اللي من خوف امه عليه تشمّله
وعلّمـهـ وش لذة الماء القراح لظاميٍ عقب طرد السراب
في ديرةٍ قفره وأعز من خاواه كان معه وراح وهمّله
علّمـهـ ....
وعلّمـهـ ان ذا مكانه مستوحش خالي ويشكي الصباب
بالله شوف بعينك ذا الفراغ وقلي يا هيه من بيكمّله!!
بتقول لي: غيره يجي وبقول : هل استوى كل الشراب
هذاك حالي شهد وما سواه يا مره ويا كيف اتحمّله!!
علّمـهـ....
وعلّمـهـ مهما يدور بيا الزمن والراس يعلاه التراب
وروحي اللي ملكها تفيض لخالقها وبالعنى تجيه محمّله
ويحاسب الناس قدامه سوا ويعطي الحق لكل طلاب
علّمـهـ منسااه ورح له بساع وخذ ليلك من اوّله
علّمــهــ.....

MR.S والحلم الذهبي

ملل طفش وش ذي الحياة ...اختبارات اختبارات قسم بالله طفشت شكلي بهاجر من ذي الديرة اللي هلكونا بالاختبارات لا وامي الله يخليها مسوية لي ساندوش حلاوة طحينية تقول ابيك مصري وشاطر <<على بالها سر شطارة حماده ولد جيرانا في الطحينية ، كل يوم تتصل بأمه وتسوي عليها حركات رأفت الهجان وشغل المخابرات ..وش افطر حمادة ؟ وش تغدا ؟ وش شرب ؟ تفكر الشطارة بالزاد والشرب!!

المهم كلمتها وقالت لها :يا وخيتي ام حمادة ولدش شااطر بسم الله عليه ويش تسوين بووه تكفين يا وخيتي MR.S لاحقه تبلد من ابوه وعمامه ولا اشبه خواله <<بدت الارانب اخواني بسم الله عليهم متعلمين وشهاداتهم وش كبرها واحد منهم تخيلي معه ثانوية تجارية وصار الحين ماسك ارشيف مدري وين بس ظني عند حقين المزارع.... ام حمادة : بسم الله ما شاء الله ما تشيليش هم ياختي حأولك كل حاقة .. بصي يا أم MR.S انتي حببتي ومش حخبي عليكي الواد حمادة كان متيييّس اوي وده لمّا كنّا فمصر ولمّا قينا للسعودية آآم ابن القيران اللي أبل منيكم وعزمه على أكله اسمها مرووء حاقه زي كدا ... وبعديها الواد صار زكي وبيفهم كويس وهوا كان حوومار ومن سعتها وانا بأكله مرووء وكمان اكلته أرصان بيؤلوا حلو كمان ..فإنتي اعملى زيي بالزبط وحتشوفي الفرء اوام اوام ...

امي ما كذبت خبر في نهاية اليوم تجي بورقة طولها ثلاثين متر كلها معلومات وتبدأ التطبيق فيني ...مدري ليه حاس ان ام حمادة نذلة وتبي تخليني دب وتخرب رشاقتي عشان ما اضرب حمادة الخبل مرة ثانية !! ...اجل وش دخل القرصان والمرقوق بأكل المصارية !!! ، المهم من اليوم بسوي إضراب عن كل شيء احس انه منها هع هع والله لا اوريك يا حمادة اذا ما خليت ورعان الحارة يتعلمون الشووت في خشتك المدورة يا ابو عيون ما اكون انا ولد ابوي هين هين ...

هذا هو MR.S في ليله اختبار الرياضيات اللي هو اصلن ما يدري انه رياضيات يفكره وطنية طول اليوم لين اتصل عليه خويه المتميلح عطني جغمه وقال له : ابشرك يا MR.S تراني خلصت الرياضيات وببدأ في الحديث ... MR.Sوهو يضحك كركركركركر :الله يرجك وش دخل الرياضيات علينا وطنية بكره ...امي جابت الجدول من عند ام حمادة وفيه بكره وطنية واملاء ..<<<مدري ليش ما تصلح الاختبارات عندنا الاّ لين ينقزون بالرياضيات اول يوم واول اختبار ... عطني جغمه : هع هع عزتي لك يا حمادة وش بيجيك من الضرب ... يا MR.S تراها نفس القرصان اللي يخلي الذاكره حديد ...MR.S : اييييييييش من جدك انت ترا بصفق خشتك اللي كنها خبزة تميس ... لا تقول سووها فيني مرة ثانية ..اوريهم اذا ما اسمم ارانبهم وحمامهم ما اكون MR.S بس خلني اخرج من هالورطه الحين .. عطني جغمه : دبّر نفسك انا برووح اذاكر يا مضحكة المصرية وولدها هع هع MR.S : اقلع يا شين وشف لك احد يعطيك جغمة بتجي بكرة تتمسكن يلا مب مشكلة يجيبك الموووز يا منكي...

طوط ...طوط... قفل الخط عطني جغمه وجلس MR.S يضربها اخماس بأسداس كودٍ يلاقي حل ..

يا والله البلشة وش اسوي والله لو اني توم كروز ما خلصت المنهج بخمس ساعات << وش دخل امك يا توم كروز بالمذاكره .

وبعد تفكير طويل وعريض ولعت لمبة فوق دمجت MR.S وقالت : نم يالاثول وبكره زبن نفسك جنب حمادة وانسخ اللي بورقته نسخ .... ولا تتعب نفسك نم نم..قال : بنام بس اول شيء اطفي انتي اول ما اعرف انام والنور شغال ..

نام MR.S وقام يحلم انه بجزيرة ومافيها الا هو و2000 مره وهو الملك عليهم وهاتك يا انواع الدلع والعيشة الفلللي يقوم الصبح على وجه اجمل وحده من الالفين وهي شايله فطوره وتقول سم يا MR.S فطورك يا نظر عيني وما يخلص الاّ والثانية جاية وتقول : شو حبيب ألبي ما بدك تآآخد دوووش يلا هلأ صار وأتوو تؤبرني شووو مهضوووم وانتا شبه السعدان <<<ما يدري وش السعدان .. وما امداه يآآصل باب الحمام الاّ وهو محصل ورقة طايحة بالارض ..قام ولقطها وتبققت عيونه من اللي شافه ...

ياربي وش ذي ورقة اسئلة اختبار رياضيات !!! ايه اكيد لواحد من ورعانهم ...هاه بس ذي بتاريخ بكره وذا اسم مدرستي ...لا حول وذا اسم المدرس السوداني الحاج علي احمد ...عيوني فيها شيء ..لابو ذا النسوان صدق ان كيدهم عظيم وش حطوا في فطوري قمت اهلوس ...

حط الورقة في جيب روب الحمام ودخل الحمام ويومن حطت رجله على الرخام تزحلق وضرب راسه بالارض ..قام مستر اس من النوم ولقى نفسه طايح من على السرير ...لا حول وش ذا الحلم اللي ما اهتنيت بووه حتى الاحلام بالحسرة علي..برجع انام كود اني ارجع ولا ابي آآخذ دش اصلن نظيف <<يا كذبك ابغى اشوف النسوان الباقيين باقي 1998 مره ..رجع للسرير لكن عيّا النوم يجيه فقام يولع النور وقال في خاطره قيم بلاي ستيشن ...ولع النور ..

خخخخ وش ذا سرقت روبهم يا إني سرووق دخل يده بجيبه إلا وهذي ورقة الاسئلة !!!! حطها على جنب وهو يتذكر حلمه وقام للبلاي ستيشن يلعب لكن ما اشتغل ..حاول فيه لكن معصي تكدر خاطره على ذي الليلة المعاكسة معه ...شوي طاحت عينه عالورقة وقرر يتسلى ويفتح الكتاب ويحلها ..دور للكتاب اللي ما يدري وين رمااه علمه به اول السنة يوم سلموه اياه ..اها لقيتك يا زينك توك جديد... الله ريحتك ريحة وكالة توك اصفاااار ...قام يحل الاسئلة واحد واحد وطبعاً من الكتاب الوكالة ...بعد ما خلص جاه النووم ..وفرح على باله بيرجع للحلم ..وجلس ينتظر وحده من الـ1998 مره تصحيه ...وبعد ساعة صحى والبسمة شاقة وجهه وفتح عيونه إلاّ هو بوجه امه وقائلة : يلا يا وليدي اصح عندك اختبار وطنية والفطور جاهز <<مرقوق طبعاً ...

عندها عرف أن حظه نحس وإن المصرية ساحرتن امه المسكينة ولا احد يفطر مرقوق !!!!.

غسل وجهه ولبس ثيابه...وراح لامه بالصالة وجلس وقامت تحوش المرقوق بفمه لين طلع مع خشمه ...طلع من البيت وقعد ينتظر حمادة يطلع من بيتهم عشان يمشي وياه ضماناً لجلوسه جنبه ..طلع حمادة من بيتهم ..

MR.S : يا هلا ومرحبا بصديقي عساك ذاكرتك ، حمادة : آه زكرتك كويس ..ما نمتش إلا لما خلصت المنهق كلووو ودلوأتي لو تيقي أسئلة من المريخ حأحلها وأنا مغمز عنيا <<ابوك يالثقة ..MR.S قال في نفسه : حلو حلو حلاة من سحبك لبنشر ومبدل مخه بمخك اليوم ياللعين ..

مشوا للمدرسة ودخلوا الصف واختار مستر اس الكرسي اللي ورا حمادة واستعد للمرحلة الحاسمة .. وبدت مراسم الاختبار بجيت وكيل المدرسة وتسليم اسئلة الاختبار للمراقبين ..كل طالب خذ ورقة وMR.S خذ ورقته وقلبها على وجهها لآنه مو فاضي يشوفها تركيزه في ورقة حمادة ..صاح المراقب في الطلاب : يلا توكلوا على الله وحلوا وإياني وياكم اشوف حركة منا ولا منا يلا كلن عينه في ورقته ..بدأ MR.S وكتب اسمه على ورقة الاجابة وقعد ينتظر يحل حمادة اول سؤال وقام يمد رقبته عله يشوف... وينتبه له المراقب ويتله تلة قشرا ..MR.S ناظر لورقتك ولو تكرر التقزقز ترا بطلعك برا يلا اقلب ورقتك يالمفهي وحل..قلب MR.S الورقة خوفاً من المراقب وفغر فمه يومن شافها ..لالالالا مو معقولة والله نفسها فرك عيونه لين ما حس أنها تقول : يا شين فركك ...

في اقل من 20 دقيقة وMR.S رافع يده..جاه المراقب : وش عندك لا تقول تبي الحمام ترا ما فيه ..ولا تبي براية ..برضو ما فيه ، MR.S : لا يا استاذ ابغى اسلم الورقة خلاص ، المراقب: اقول بلا هبل تو زملائك ما بدو في السؤال الثالث تجي انت وتقول خلصت ..شكل ورقة اجابتك كلييييين ، MR.S : لا خلصت وحليت الاسئلة كله وناظر بعينك ، المراقب والورقة بيده وعلامات التعجب اللي مدري كم هي تتنطط في وجهه : ماني مصدق وقف يا مستر اس بسوي لك تفتيش شكلك مبرشم ولا معك سماعات بلوتوث وجوال واحد يغششك ... مرر عليه عصا التفتيش ولا صاحت<<بمطار مو بصف ، خلاص اجلس راجع مع اني اقول وراك علووم !!!

انتهي نصف وقت الاختبار وقال المراقب: اللي خلص يسلم ورقته ..فررررررر بسرعة سلم MR.S ورقته وهو مبسوط وعطى الصف ظهره واتجه للساحة وهو يقول:جايبك يالدكتوراااه جايبك....

راح البوفيه واخذ له عصير وقعد يفكر بمستقبله المشرق ..يصير دكتور ولا مهندس ولا عالم ذره ولا قطع عليه حبل افكاره الا عطني جغمه : هاه وش سويت يا MR.S في الاختبار ؟..MR.S: سهل مره حليته وانا مغمض .. عطني جغمه: شلون امداك تذاكر وانت ما عرفت الا تالي الليل !! MR.S: الذكاء يا اخي الذكاء. عطني جغمه : ما يندرى عنك ..وش ذا اللي بيدك يا MR.S ؟ MR.S: وش يعني ما تشوف حمضيات يالاحول... عطني جغمه : طيب ممكن طلب ، MR.S: تدلل ..عطني جغمه : عطني جغمه.... MR.S: اذلف لا اشوتك شوته ما توقف الا في الصين اذلف ..نسيت يومنك تتمهزا فيني هذا هو الموووز جابك يا منكي .....

خلص MR.S اختباراته كلها زي كذا يحلم حلم مختلف بس بنفس الجزيرة وبنفس المكان وبنفس الـ 2000 مره ويلقى ورقة اسئلة بكره ويحلها وينجح وهو الآن مستشار في البيت الابيض عند الكمخه اوباما وهذا ذقني اذا ما جاب العيد هالكمخه بسبة MR.S..

ما يستفاد :

_ لا تسمع مشورة اي مصري مهما كان الامر.

_اختر اخوياك من الطبقة البروجوازية اللي يستحون يطلبون جغمة عصير .

_اذا حلمت حلم زين لا يطري لك تآخذ فيه دوووش موب لازم .

انا والنومة وحبيبتي والعلك

النوم بدري هذا كان حلم بالنسبة لي منذ عقد من الزمن<<<اوخص يالشايب ، والبارح ابشركم تحقق حلمي ونمت بدري الساعه 12 <<انجااااز ونصر استحق التكريم عليه من كل الجهات الرسمية والخيرية
المهم احس راسي خفيف ...النومة مروقتني ع الاخر
شرايكم انا قررت استمر كذا ...بنام بدري ..وبصحى بدري ...وبشرب كوب حليب...وبروح المدرسة
والمدرسة تكون مختلطه بنات وصبيان وانا احب لي وحده في المدرسة ...وحنا بصف واحد ...لالا بصفين _المخرج يبغى شوق اكثر_ ونتقابل بطابور المقصف _احلى لحظات الرمنسية هالطابور_ واشتري لها على حسابي سن توب عشان آخذ اللصقه وساندوش طع100 ...ونقعد على الارض اللي صار لونها رمادي من العلووك وهاتك يا سوالف ماصلة وبلا طعمه <<< شوووو يااا ..

وتنتهي الفسحه ونبي نقوم لكن ما نقدر !!!

يجون المشرفين والمدير والوكيل وحتى الفراش.... قوووموا يا شطورين....ما نقووم ....بنضربكم تحركوا .....ما نقوووم....الفلكة تنتظركم ....ما نقووم.....اولياء اموركم يشرفونا بكره .....برضووووا ما نقوووم

هل هو الانسجام مع بعض ولا نرغب في الافتراق؟

هل هو حب المخالفات وعدم التقيد بالانظمة؟

هل فطورنا ما خلص وحنا نعز النعمة ما نبي نرميه ؟

لا
لا
لا

لا

لا

لا

لا

لا

لا

لا

لا

لا
انه العلك اللعين مسك بثيابنا
كيف نقوم ؟؟؟؟!!!!
خلونا جالسين وانقلوا الصفوف عندنا .

ولا أقولكم : سوو لنا دوائر تلفزيونية بالساحة ..

يعني يرضيكم نفصخ ملابسنا عشان العلك ..طبعا لا
يرضيكم حد يصورنا ويرسل صورنا بلوتوث ...طبعا لا

اذن هاتوا اثنين صعايدة يكسرون البلاط اللي جالسين عليه وينقلونا لبيوتنا على سطحه
واليوم الثاني واللي يرحم والديكم نظفوووووووووا ساحااااااااااتكم من العلوووووووك وبلاش تهديد بالضرب ترى نفسيتي تتأثر وبعدين اتذكر الفلم المرعب اللي عرضوه بالـmbc 1 يوم النامسه تستعمل المبيدات ام ريالين معطر جسم ويجيها البف باف المقنع المتوحش وينفخ بوجها نفخة تنصرع بعدها ، يعنى ع البلاطة ضربكم هذا اذا خليتكم تضربون <<النظام معه زي المبيدات ام ريالين ....




ملاحظة : نص اللي فوق نتيجة التماس في المخ ناتج من عدم تصديقه اني نمت بدري وخلاني اسوي مكس مدري شلون جاي بس تحملوني عاد