ازمة ورا ازمة وتطفر الشعوب .. وزي ما يقولون كثر الدق يفل الحديد ..نحن نرضى ان تتوالى الازمات ولكن ان تجتمع فهذا كثير ولا يطاق .ازمة رز وازمة سكر و ازمة حديد و ازمة شعير وجاء الطماطم يركض وراهم ويصيح خذوني معكم ما فيه حد احسن من حد ، الغريب ان كل ارتفاع لأي سلعة يبرر باسباب تكاد ان تكون مقبولة إلاّ هالمجنونة _ الطماطم _ ما فيه احد برر سبب ارتفاعها .
فهي من الخضروات التي تزرع صيفاً وشتاءاً وايام تجد السلة بريال وايام تجدها بخمسين ريال .. ولأني من الناس اللي يفكرون قبل الشراء وخصوصا اذا كان السعر غالي لذا قررت ان اضع على عاتقي مهمة البحث لأسباب ارتفاعه الغير معقولة .
ففعلا سويت بحث وحددت الفترة اللي بدأ يرتفع سعر هالطماط فيه فرجعت بالذاكرة للوراء قليلاً لشهر رمضان ووجدت انني اشتريته بـ 9 ريال ومنذ ذاك الوقت وحتى اليوم والاسعار ترتفع تدريجياً حتى وصل لـ 50 ريال.
راح تتعجبون للنتيجة اللي لقيتها ..الفترة هذي كانت في شهر اغسطس اللي يجي في آخر اربعاء منه مهرجان الطمامطم La tomatina في إسبانيا وطبعا تعرفون وش يصير بهالمهرجان ..حرب ضروس سلاحها الطماطم ..أطنان منه تصير كتشب تحت اقدام الاسبانيين فبذكائي الكوناني استنتجت ان سبب ارتفاع الطماطم هم الاسبانيين المهابيل .
وتذكرت خبر بجريدة انه تم القبض على اسباني لابس جلابية صعيدي يقاله يموه في سوق الخضرة بالرياض يشتري كل كميات الطماطم اللي بالسوق وكان هالكلام بشهر رمضان واللي كشف هالاسباني الدلخ انه نسى اننا صايمين في النهار وهو ما غير بلع في الطماط وبحنكة رجال الامن اكتشفوا انه داسوس وعميل ومن خلال التحقيق معه اعترف ان هذه كانت اخر صفقة يسويها في العالم حيث انه فر دول العالم يجمع طماطم بتراب الفلوس وخلا السعودية الاخيرة ..
فيا اعزائي كما تعرفون المؤمن لا يلدغ من جحر مرتين ..لازم نلقن هالاسبانين درس قاسي ونخليهم يعرفون ان الله حق والطماطم مب لعبة عشان يسوون به كذا ..فعلى كل منّا ان يقوم بزراعة الطماط في بيته في مزرعته في حوض مكتبه ان شاء الله في راسه و نستعد لأغسطس الجاي ونبيعهم ياه بـ100 ريال ونذوقهم شوي من اللي ذقناه عشان يتوبون وتنتهي بتوبتهم أي ازمة طماطم مقبلة .
تنويه
ما كتب بالاحمر كأنها اشاعة عشان ما نخلق ازمة دبلوماسية مب ناقصين ازمااااات .
انتهى
المشاركات
