النوم بدري هذا كان حلم بالنسبة لي منذ عقد من الزمن<<<اوخص يالشايب ، والبارح ابشركم تحقق حلمي ونمت بدري الساعه 12 <<انجااااز ونصر استحق التكريم عليه من كل الجهات الرسمية والخيرية
المهم احس راسي خفيف ...النومة مروقتني ع الاخر
شرايكم انا قررت استمر كذا ...بنام بدري ..وبصحى بدري ...وبشرب كوب حليب...وبروح المدرسة
والمدرسة تكون مختلطه بنات وصبيان وانا احب لي وحده في المدرسة ...وحنا بصف واحد ...لالا بصفين _المخرج يبغى شوق اكثر_ ونتقابل بطابور المقصف _احلى لحظات الرمنسية هالطابور_ واشتري لها على حسابي سن توب عشان آخذ اللصقه وساندوش طع100 ...ونقعد على الارض اللي صار لونها رمادي من العلووك وهاتك يا سوالف ماصلة وبلا طعمه <<< شوووو يااا ..
لا
لا
لا
انه العلك اللعين مسك بثيابنا
كيف نقوم ؟؟؟؟!!!!
خلونا جالسين وانقلوا الصفوف عندنا .
يعني يرضيكم نفصخ ملابسنا عشان العلك ..طبعا لا
يرضيكم حد يصورنا ويرسل صورنا بلوتوث ...طبعا لا
اذن هاتوا اثنين صعايدة يكسرون البلاط اللي جالسين عليه وينقلونا لبيوتنا على سطحه
واليوم الثاني واللي يرحم والديكم نظفوووووووووا ساحااااااااااتكم من العلوووووووك وبلاش تهديد بالضرب ترى نفسيتي تتأثر وبعدين اتذكر الفلم المرعب اللي عرضوه بالـmbc 1 يوم النامسه تستعمل المبيدات ام ريالين معطر جسم ويجيها البف باف المقنع المتوحش وينفخ بوجها نفخة تنصرع بعدها ، يعنى ع البلاطة ضربكم هذا اذا خليتكم تضربون <<النظام معه زي المبيدات ام ريالين ....
ملاحظة : نص اللي فوق نتيجة التماس في المخ ناتج من عدم تصديقه اني نمت بدري وخلاني اسوي مكس مدري شلون جاي بس تحملوني عاد
هناك 3 تعليقات:
هههههههه
احلى مكس
يسعد مساءك
اول زياره لي للمدونه
وبصراحه كنت بحاجه للضحك
الله يعطيك العافيه
هلا بدور
يسعد مساك يارب
والحمد لله اني فصلتي هذي قدرت ترسم البسمه على وجهك
اشكر مرورك وتعليقك ...ودمتي بود
الا اشين شي الين نشب علك برجلك وانت مستعجل
وصار يمشي وراك 10 متر يتدودل ( مدري وشلون كتبتها )
والا نشب بثوبك علك احمر مخيس ورحت تصلي ولا شفته اساسا ومشخص بثوبك قدام العالم
شوفوني ثوبي جديد
وهو مطيز بك من ورى (^ - ^)
*يسلموا ع ريحة العلك الحلوة اللي شميناها بقصتك
* بس فعلا ذكرتني بعلوك مدرستي اللي منذ مبطي
* شكرا ع ابداعك
إرسال تعليق