والله لو دريت البارحة وش جَنّي
ما كان تعتب عليّ وتظن إنا جفيناك
وما كان قلت اني لغيرك لأنّي
ما لقيت من ياتي يالغلا في حلاياك
نادر بوصفك وسهوم حبك غشنّي
وعزي لمنهو في الهوى طاح وياك
تضحك وضحكاتك بها زود فنّي
وترز بسكوتك وان نطقت فلابه تلكلاك
لا قلت لبيه(ن)كنّك بخمر سقنّي
وتشلع فؤادي كل ما قلت لي سم نفداك
وعودك ما يبي له وصف متثنّي
منين ما عيني تجي ما تشوف إلاّ الهلاك
تدري فكري راح ووصوفك خذنّي
عمّا حصل على فراشي البارح بلياك
قبل المنام بصحوتي طيوفك حَدنّي
وساعة غفت عيني لقيت لحافي تغطاك
الشعر قاسم جبينك الايسر بظنّي
وخدك الايمن توسد برقة محناة يمناك
قلت يا مرحبا بشويش باللي لفنّي
اقلط هنيا وقرّب يا ما مكانك تحراك
ومن جاه غيرك اعتبرناه متجنّي
متعدّي على حقوق شخصية ووثيقة تملاك
وفجأة صحيت وطلعت آهات منّي
تفسيرها (اهواك يا حلمي المقفي اهواك)