موت المهد

بسألك يا قطر..كان تدري بالجواب..

وكان شاطر بالحساب

كم عمري يا قطر؟

كم يوم قلي كم شهر؟

وش القصد ..

تقصد يوم امك جات بك !!

والنور شعشع بعينك واعتلى هامتك!!

لالا..لالا مب القصد

خل ميلادي اللي مثل اي ميلاد..

خل نور عيني يومي بالمهاد

ما قصدته ابد ..

يا قطر ركز وبتفهم علي ..

تذكر بيومٍ قيل لي يالطيب سلام ..

يومي تلعثمت ..تذكر ولاّ لا ؟

ايه ..ايه تذكرت

هذا يوم ميلادي يا قطر...

شفت ماني في عمري كبير

وعمري توه بدا ..

توه بدا ..يوم انه سلم علي ولفى ..

عمري بدا...

ومسحت كل الايام قبله والتواريخ

الحلو ما له حلاة عقبه..

والمر معه ليش اتذكره!!

عمري بدا..وطربت لكذا ....

وان طلب ربي وداعته وخذا

فيحق لك تبكي وتقول..

الله يرحمه ...مات وهو في المهد

توه صغير..

انتهى